FINANCIAL PLEDGES PARA SA 'PAENG' RELIEF OPS UMABOT NA NG HALOS P50M

Umabot na sa P49.2-milyon ang mga pangakong pinansyal ang natanggap ng Tanggapan ni Speaker Martin G. Romualdez, sa pagpapatuloy ng relief drive para sa mga pamilya na apektado ng Severe Tropical Storm "Paeng" (international name: Nalgae). 

Ipinahayag ito ni Romualdez ngayong Lunes, habang ang Batasang Pambansa Complex sa Lungsod ng Quezon, tahanan ng Kapulungan ng mga Kinatawan, ay ginawang napakaabalang lugar para sa pagso-sort at repacking ng mga relief goods simula pa noong nakaraang katapusan ng linggo. 

Ang tumatakbong kabuuang halaga ng pinasya ay resulta ng panawagan ni Romualdez sa publiko noong nakaraang Sabado para sa mga donasyon, upang maipamahagi at tulungan ang mga biktima ng mapaminsalang bagyo, na nakaapekto sa iba’t ibang bahagi ng Pilipinas. Ang halaga ay umabot agad sa P35-milyon noong araw ng Linggo.

Bukod sa P49.2-milyon, si Speaker, na kumakatawan sa Unang Distrito ng Leyte, ay nakatanggap din ng pangakong ayuda mula sa pribadong sektor, na nangakong tutulong sa produksyon ng mga kinakailangang relief packs. Karamihan sa mga ito ay naipadala na sa mga biktima ng bagyo sa mga lalawigan ng Cavite at Laguna. 

Ang fund drive ay pinangunahan nina Speaker Romualdez; ng kanyang may-bahay, si House Committee on Accounts Chairperson at Tingog Party-list Rep. Yedda Marie K. Romualdez; at House Committee on Appropriations Chairman, Ako Bicol Party-list Rep. Zaldy Co. 

"Tuloy-tuloy po ang relief drive at operations ng Kongreso para sa mga nasalanta ng bagyong Paeng sa tulong ng mga staff ng Office of the Speaker at sa mga Secretariat employees ng House of Representatives. Asahan po ninyo na ginagawa natin ang lahat ng ating makakaya upang makapagpadala ng tulong sa mga nasalanta ng bagyo," ayon kay Speaker ngayong Lunes. 

Nagpadala rin ng donasyon ang mga kawani at opisyal ng Kapulungan, ng mga used clothes at iba pang mahahalagang gamit na maaaring magamit ng mga biktima ng bagyo.

Nanalasa ang STS Paeng sa bansa sa panahon ng bakasyon ng Kapulungan, na nangangahulugan na ang mga kinatawan ay nasa kani-kanilang mga distrito.

Ang kanilang presensya sa kanilang mga distrito ang naging dahilan upang magkaroon ng maayos na koordinasyon sa pakikipag-ugnayan sa relief drive ng Speaker.

Hanggang ngayong ala-1 ng hapon ng Lunes, tumugon sina Speaker Romualdez at Rep. Yedda Romualdez sa mga hiling para sa ayudang pinansyal at pagkain ng mga sumusunod na mambabatas: Reps. Emmanuel Billones (Capiz, 1st District), Jane T. Castro (Capiz, 2nd District), Carlito S. Marquez (Aklan, 1st District), Teodorico “Ted” Haresco Jr. (Aklan, 2nd District), Ferjenel G. Biron (Iloilo, 4th District), Gerardo Valmayor Jr. (Negros Occidental, 1st District), Antonio Legarda Jr. (Antique, Lone District), Mohamad P. Paglas (Maguindanao, 2nd District), Bai Dimple I. Mastura (Maguindanao at Cotabato City, 1st District), David “Jay-jay” C. Suarez (Quezon, 2nd District), former Speaker Lord Allan Velasco (Marinduque, Lone District), House Majority Leader Manuel Jose “Mannix” M. Dalipe (Zamboanga City, 2nd District), Mercedes K. Alvarez (Negros

Occidental, 6th District), Maria Theresa V. Collantes (Batangas, 3rd District), Sittie Aminah Q. Dimaporo (Lanao del Norte, 2nd District), Cavite Rep. Lani Mercado Revilla (Cavite, 2nd District), Ramon Jolo B. Revilla III (Cavite, 1st District), and Marlyn "Len" B. Alonte (Biñan City, Lone District), Raul "Boboy" C. Tupas (Iloilo 5th District), Rene Ann Lourdes Matibag (Laguna, 1st District), Bryan Revilla (Agimat, Party-list), James "Jojo" Ang (USWAG ILONGGO, Party-list), Antonio A. Ferrer (Cavite, 6th District), Adrian Jay C. Advincula (Cavite, 3rd District), Roy Loyola (Cavite, 5th District), Elpidio "Pidi" Barzaga Jr. (Cavite, 4th district), Aniela Bianca D. Tolentino (Cavite, 8th District), Joseph "Jojo" Lara (Cagayan, 3rd District), at Dan S. Fernandez (Santa Rosa City, Lone District). 

Tumugon rin sila sa hiling na ayuda nina Governors Fredenil “Fred” H. Castro ng Capiz at Florencio “Joeben” T. Miraflores ng Aklan. 

Sa pakikipag-partner kay Social Welfare and Development Sec. Erwin Tulfo, sinabi ni Romualdez na ang paunang mga pangalan ng kanyang mga kapwa mambabatas na humihiling ng tulong ay makakatanggap rin ng ayuda mula sa programa ng ahensya na Assistance to Individuals in Crisis Situations (AICS).

Nakipag-ugnayan rin ang Kapulungan sa Tingog Party-list na kinakatawan ni Cong. Jude Acidre at ng Department of Social Welfare and Development (DSWD), ang pagsagawa ng relief operations sa Ikalimang Distrito ng Leyte, Lungsod ng Ormoc, kasama na ang ilang bahagi ng Cotabato at Maguindanao. 

Samantala, inilalarawan ng kaganapan sa Batasang Pambansa at mga pagsisikap ng mga kawani na nagboluntaryo sa pagre-repack ng mga relief goods kahapon, Linggo, ang nagpa-antig sa kalooban ni Speaker Romualdez, at nagpalakas sa pagsisikap ng Kapulungan na makarating sa mga taong nangangailanghan sa lalong madaling panahon.

"Salamat sa mga staff ng Office of the Speaker at sa mga Secretariat employees ng House of Representatives sa pagbibigay ng oras para sa ating relief operations. Tuloy-tuloy po ang kanilang pagtulong kahit na walang pasok sa opisina para lamang maihatid ang mga relief goods sa mga nangangailangan nating kababayan. Saludo po ako sa inyong lahat!" ani Speaker Romualdez. #

AGARANG AKSIYON SA MGA PRIORITY BILLS NA NAKALATAG SA MULING PAGBUBUKAS NG SESYON NGAYONG NOV. 7, TINIYAK NI SPEAKER ROMUALDEZ

Tiniyak ni House Speaker Martin Romualdez na agad na aaksiyunan ang mga mahahalagang panukalang batas ng Marcos administration sa muling pagbabalik ng sesyon sa November 7.

Ayon kay Romualdez kabilang dito ang E-Governance Act na layuning 

i-digitalize ang mga record ng gobyerno para mapabilis ang delivery ng sebisyo at maalis ang red tape sa mga government transaction.

Sabi ni Romualdez, tugon din ito sa panawagan ni Pangulong Bongbong Marcos na ipasa ang naturang panukala para makasunod ang Pilipinas sa ibang mga bansa sa larangan ng digital economy.

Sa Kamara anya, sinimulan na ang digitalization project at nakipagpulong na si House Secretary General Reginald Velasco sa mga kinatawan ng Congressional Research Service of the Library sa Washington DC.

Dagdag pa ni Romualdez, bumuo na rin ng technical working group ang House Committee on Information and Communications Technology na pinamumunuan ni Congressman Toby Tiangco para ma-consolidate ang E-Governance Act at E-Government Act.

TULONG NG MGA AIRLINE SA MGA PASAHERO NA NAKANSELA ANG BIYAHE, IPINANAWAGAN NI REP. SALCEDA SA DOTR

Pinapatiyak ni House Ways and Means Chairman at Albay 2nd district Representative  Joey Sarte Salceda sa Department of Transportation na naibibigay ng mga airline companies ang nararapat na tulong sa mga pasahero ng eroplano na makakansela ang byahe.

Base sa monitoring ng tanggapan ni Salceda, ay umaabot na sa 44 na domestic at international flights ang kanselado at inaasahang madadagdagan pa dahil sa pananalasa ngayon ng bagyong Paeng.

Tinukoy ni Salceda na base sa “Air Passenger Bill of Rights” ang mga pasahero ng makakanselang byahe ng eroplano ay dapat mabigyan ng libreng pagkain at inumin, libreng tawag, text o emails, mabigyan ng libreng  first aid kung kakailanganin, dapat ding i-rebook o i-refund ang kanilang ticket at marami pang iba.

ayon kay Salceda, maraming reklamo  ang natatanggap ng kanyang opisina mula sa mga pasahero ng cancelled flights na dapat aksyunan agad ng DOTR.

Bukod sa mga stranded na pasahero sa paliparan ay pinapa-aksyon din ni Salceda ang DOTR para magbigay ng tulong at kalinga sa mga stranded na pasahero sa mga pantalan dahil sa mga nakanselang byahe ng barko tulad sa Batangas Port.

UMABOT NA SA MAHIGIT ₱35 MILYONG HALAGA NG DONASYON ANG NALIKOM NG KAMARA PARA MGA NASALANTA NG BAGYONG PAENG

Nagsasagawa ng round the clock meetings ang tanggapan ni House Speaker Martin Romualdez sa mga concerned government agencies para matiyak ang maayos na pagbibigay ng tulong sa mga naapektuhan ng bagyong Paeng.

Ayon kay Romualdez, maraming mga kongresista ang nagbigay na ng kanilang pledge o nangako ng tulong-pinansiyal para mai-donate sa mga nasalanta ng bagyo.

Sabi ni Romualdez, sa kasalukuyang umaabot na sa 35-million pesos ang halaga ng donasyon at pledges mula sa mga kongresista at ilang pribadong indibidwal para naman sa distribution ng relief packs.

Tuloy-tuloy din ang koordinasyon ng Kamara sa NDRRMC, Office of Civil Defense at Department of National Defense para maiparating ang tulong sa mga nasalanta ng bagyong Paeng.

Ang relief drive ng Kamara ay inanunsiyo kagabi sa mga social media platforms ni Romualdez.

Samantala, muling tiniyak ni Speaker Romualdez na tutugunan ng Kamara ang pangangailangan ng mga ahensiya ng gobyerno pagdating sa kalamidad kaugnay ng pagsasa-pinal sa 2023 proposed national budget.

POSIBLENG PAG-ADJUST SA PANUKALANG 2023 BUDGET PARA MAILAAN ANG PONDO PARA SA REHABILITASYON SA MGA NASALANTA NG BAGYONG PAENG

Kailangan ang comprehensive assessment sa pinsala at lawak ng bagyong Paeng sa ibat-ibang bahagi ng bansa.

 

Ayon kay House Speaker Martin Romualdez, makatutulong ito kung kakailanganin ng Kongreso na i-adjust ang 5.268-trillion peso national budget para sa susunod na taon at mailaan sa pangangailangan ng mga nasalanta ng bagyo.

 

Tiniyak ni Romualdez na gagawin lahat ng Kongreso para matulungan na makabangon muli ang mga kababayan natin mula sa panibagong hamon.

 

Sabi ni Romualdez, inatasan niya si Congressman Rizaldy Co, Chairman ng House Committee on Appropriations na kunin ang damage assessment report mula sa mga Kongresista para marepaso ang posibleng adjustment sa 2023 proposed national budget.

 

Ang adjustment anya ay para sa repair and rehabilitation ng mga naapektuhang lalawigan para mailaan sa budget sa susunod na taon.

 

Naipasa na ng Kamara ang 2023 General Appropriations Bill at tatalakayin na ito ng Senado sa sandaling mag-resume ang sesyon sa November 7 bago sumalang sa bicameral conference committee.

Samantala, naglunsad din ng relief drive ang Kamara para sa mga nasalanta ng bagyong Paeng.

Bukod sa pledges o tulong pinansiyal na umaabot na sa 35-million pesos, may mga donasyon din na relief goods ang Kamara na nakatakdang dalhin sa mga lalawigan na malubhang nasalanta ng bagyong Paeng.

IMBESTIGASYON SA DAHILAN NG MALAWAKANG PAGBAHA SA MAGUINDANAO, IPINANAWAN NI REP. HATAMAN

Nanawagan ng masusing assessment si Basilan Representative Mujiv Hataman sa dahilan ng matinding pagbaha sa Maguindanao nang manalasa ang bagyong Paeng.

Ayon kay Hataman, layunin nito hindi para magbunton ng sisi kundi maghanap ng mga paraan kung papaano ito maiiwasan sa sandaling may dumating na mga panibagong bagyo.

Nagpahatid ng pakikiramay si Hataman sa mga pamilya ng mga nasawi sa pananalasa ng bagyong Paeng na umaabot sa mahigit apatnapu katao.

Umaapela ng tulong si Hataman sa mga ahensiya ng gobyerno at pribadong sektor na magpadala ng tulong sa mga biktima ng bagyo lalo na sa lugar ng BARMM o Bangsamoro Autonomous Region in Muslim Mindanao kung saan mataas ang bilang ng mga nasawi.

Sabi ni Hataman, pwede rin kunin ng gobyerno ang tulong ng mga LGU sa Maguindanao para sa search and rescue operations para sa mga naiulat na nawawala.

Una rito, maging si Pangulong Bongbong Marcos ay nagtatanong kung bakit nangyari ang malawakang pagbaha sa Maguindanao kung saan malaking bilang ng casualty ay mula sa naturang lalawigan.

BADYET SA 2023 POSIBLENG AYUSIN PARA SA REHABILITASYON NG MGA LUGAR NA SINALANTA NG BAGYONG PAENG; MUNGKAHING DEKLARASYON NG PAMBANSANG KALAMIDAD SUPORTADO NI SPEAKER

Nanawagan ngayong linggo si Speaker Martin G. Romualdez para sa isang komprehensibong pagtataya sa mga pinsala at pagkasira na idinulot ng Severe Tropical Storm (STS) Paeng sa maraming lugar sa bansa.

Ayon kay Romualdez, maaaring ayusin ng Kapulungan ng mga Kinatawan ang panukalang P5.268-trilyong pambansang badyet sa susunod na taon para sa mga kakailanganing pondo sa mga lugar na sinalanta ng bagyo.

“Asahan po ninyo na gagawin namin ang lahat para makabangon muli ang ating mga kababayan mula sa panibagong hamong ito na hinaharap natin ngayon,” ani Romualdez.

Kaugnay nito, suportado ni Speaker ang rekomendasyon ng National Disaster Risk Reduction and Management Council (NDRRMC) sa Pangulong Ferdinand “Bongbong” Marcos, Jr. na ideklara ang National State of Calamity dahil sa mga epekto at pinsala na idinulot ng pinakahuling bagyo. 

Sinabi niya na ang mga ulat na nakarating sa kanyang tanggapan ay nagpapakita na, “almost all regions in the country were affected by the onslaught of STS Paeng, which destroyed bridges, roads and key infrastructure and wrought havoc to life and property”

“I have requested my fellow members of the House of Representatives to help the executive departments and agencies assess the damage caused by the STS Paeng and assist in relief operations in their respective districts,” ani Romualdez.

Kinausap ni Romualdez si Appropriations Committee chairman at Ako Bicol Rep. Zaldy Co, na itala ang mga pinsala mula sa mga mambabatas at mga tanggapan ng ehekutibo, “so that they may aid us in reviewing possible adjustments in budget allocation for repair and rehabilitation of affected areas under the proposed 2023 General Appropriations Act.”

Ipinasa na ng Kapulungan ang panukalang badyet para sa susunod na taon, sa ikatlo at huling pagbasa. Nakatakda rin itong talakayin ng Senado sa pagbabalik-sesyon ng Kongreso sa ika-7 ng Nobyembre. Matapos nito, ang badyet ay pag-uusapan na sa bicameral conference committee.

Sinabi ni Romualdez na sa kasalukuyan, nakatuon ang mga mambabatas sa, “is in relief operations to alleviate the suffering of our fellowmen and to deliver aid as soon as possible to those in need.” 

Sinabi niya na naglunsad ang kanyang mga kapwa mambabatas ng relief drive at operasyon sa Kapulungan ng mga Kinatawan upang tulungan ang pamahalaang nasyunal para makapangalap ng mga kinakailangan para sa mga apektadong komunidad.

“The House of Representatives will also use its power over the purse to see to it that rehabilitation of affected communities will proceed unhampered as soon as the relief stage is completed,” dagdag pa ni Romualdez. #

KAPULUNGAN, NAKAKALAP NA NG P35-M NA PLEDGES PARA SA MGA BIKTIMA NG BAGYONG PAENG

Nagdaraos ang Tanggapan ni Speaker Martin G. Romualdez ng tuloy-tuloy na pagpupulong sa mga kinauukulang ahensya, at mga matataas na opisyal ng pamahalaan ngayong linggo, upang matiyak ang maayos na koordinasyon sa relief drive para sa mga biktima ng Severe Tropical Storm Paeng (international name: Nalgae).

Ipinahayag ni Romualdez na nakatanggap na siya ng mga pangakong ayuda mula sa kanyang mga kapwa mambabatas, na pinangungunahan ni Ako Bicol party-list Rep. Zaldy Co, chairman ng Komite ng Appropriations, at mga pribadong indibiduwal hinggil sa relief drive at nauna nang nakakalap ng P35-milyong halaga ng mga donasyon at pledges hanggang 12:45 ng umaga ngayong Linggo.

Bukod sa P35-milyon, nakatanggap rin si Speaker ng pangakong ayuda mula sa pribadong sektor, na nangakong tutulong sa produksyon ng mga kinakailangang relief packs.

Naging abala ang tanggapan ni Romualdez sa pakikipag-ugnayan sa National Disaster Risk Reduction and Management Council (NDRRMC), gayundin sa Office of the Civil Defense (OCD), Department of National Defense (DND), at iba pang kagawaran at mga ahensya upang matulungan ang mga biktima ng bagyo.

“During the darkest hours, the House of the People in coordination and partnership with the Marcos administration is always here to assist and help Filipinos in their time of need. We will support all the national government initiatives in pursuing relief and recovery efforts in areas affected by typhoon Paeng,” ani Romualdez.

Si Romualdez na kumakatawan sa Unang Distrito ng Leyte sa Kapulungan, ay nakikipag-ugnayan rin sa Departments of Health (DoH), Education (DepEd), Interior and Local Government (DILG), Public Works and Highways (DPWH), Trade and Industry (DTI), Energy (DoE), Transportation (DoTR), Information and Communications Technology (DICT) at iba pang mga kagawaran, upang makakuha ng malinaw na kaganapan sa epekto ng bagyo sa mga Pilipino, hinggil sa kalusugan, rescue missions, imprastraktura, edukasyon, halaga ng mga pangunahing bilihin, kuryente, transportasyon, komunikasyon, at iba pang mga alalahanin kaugnay ng kalamidad. 

Binanggit niya rin na tutugon ang Kapulungan sa mga pangangailangan ng mga kinauukulang kagawaran kaugnay ng kalamidad, sa usapin ng pagsasapinal ng panukalang badyet para sa 2023. 

Isinapubliko noong Sabado ng gabi ang hinggil sa relief drive sa Speaker's social media platforms.

Hanggang alas 10 ng umaga ngayong Linggo, sinabi ni Romualdez na siya at ang kanyang may-bahay, Tingog party-list Rep. Yedda Marie K. Romualdez, chairperson ng House Committee on Accounts, ay tumugon sa mga panawagan nina Reps. Emmanuel Billones (Capiz, 1st District), Jane T. Castro (Capiz, 2nd District), Carlito S. Marquez (Aklan, 1st District), Teodorico “Ted” Haresco Jr. (Aklan, 2nd District), Ferjenel G. Biron (Iloilo, 4th District), Gerardo Valmayor Jr. (Negros Occidental, 1st District), Antonio Legarda Jr. (Antique, Lone District), Mohamad P. Paglas (Maguindanao, 2nd District), Bai Dimple I. Mastura (Maguindanao at Cotabato City, 1st District), David “Jay-jay” C. Suarez (Quezon, 2nd District), former Speaker Lord Allan Velasco (Marinduque, Lone District), House Majority Leader Manuel Jose “Mannix” M. Dalipe (Zamboanga City, 2nd District), Mercedes K. Alvarez (Negros Occidental, 6th District), Maria Theresa V. Collantes (Batangas, 3rd District), Sittie Aminah Q. Dimaporo (Lanao del Norte, 2nd District), Cavite Rep. Lani Mercado Revilla (Cavite, 2nd District), Ramon Jolo B. Revilla III (Cavite, 1st District), at Marlyn "Len" B. Alonte (Biñan City, Lone District), at Governors Fredenil “Fred” H. Castro of Capiz at Florencio “Joeben” T. Miraflores ng Aklan para sa ayudang pinansyal at pagkain.

Sa pakikipag-partner kay Social Welfare and Development Sec. Erwin Tulfo, sinabi rin ni Speaker Romualdez na ang mga naunang pangalan ng mga kapwa niya mambabatas na humihingi ng tulong mula sa kanila, ay makatatanggap rin ng ayuda mula sa programa ng kagawaran na, Assistance to Individuals in Crisis Situations (AICS).

Sinabi rin ni Speaker na naghanda rin ng isang relief mission si Tingog party-list Rep. Jude Acidre para sa Cotabato, Eastern Visayas, at iba pang lugar na apektado ng bagyong Paeng.

“Sa tulong ng mga kasama nating mambabatas sa House of Representatives, magsasagawa ang Office of the Speaker ng relief drive at operations para sa mga komunidad na nasalanta ng Bagyong Paeng. Maglalaan tayo ng pondo para simulan ang pagbili ng mga kakailanganing relief goods tulad ng bottled waters, canned goods, bigas at iba pang basic necessities na ipapadala sa mga apektadong komunidad,” ani Speaker Romualdez.

“Nananawagan din tayo sa pribadong sektor na makibahagi sa relief operations drive na ito at magpadala ng anumang tulong na maibabahagi nila sa mga nasalanta ng bagyo. Sa mga nagnanais at interesadong tumulong, maari po kayong tumawag sa numerong nasa baba (09171064969). Maliban dito, nag-coordinate na rin po tayo sa mga ahensya ng NDRRMC para maipaalam ang sitwasyon sa mga distrito base sa report ng ating mga kasama sa Kongreso.  Asahan po ninyo na gagawin natin ang lahat para makabangon sa panibagong hamon na dala ng bagyo. Maraming salamat po at mag-ingat po tayong lahat,” dagdag pa ni Speaker Romualdez. 

GARIN HINIMOK ANG DA AT RESTOS NA GAMITIN ANG KAMOTE BILANG KAPALIT NG KANIN AT FRENCH FRIES

Bilang dagdag nutrisyon at matugunan ang problema sa kakulangan ng bigas, inatasan ni House Deputy Speaker at Iloilo Rep. Janette Garin ang Department of Agriculture(DA) na palakasin ang produksyon ng kamote habang hinimok nito ang mga restaurant at karinderya sa buong bansa na gawing alternatibo sa isinisilbing kanin ang kamote.

Ayon kay Garin hindi dapat kalimutan na malaking bahagi ng malnutrisyon ay “self-inflicted” o gawa din ng may sariling katawan, upang matugunan ito ay panahon na para magkaroon ng  food alternatives gaya na lang sa kanin.

“hindi na dapat “Rice is life”. We call on restos to use kamote as alternative to rice and use kamote as French Fries. What we need now is kitchen innovations,”paliwanag ni Garin.

Sinabi ni Garin na kung may food option sa mga menu ng mga restaurants lalo pagdating sa kanin ay tiyak na simula na din itong magugustuhan ng mga Pinoy.

“Kamote is more filling and suppresses hunger pangs longer. Rice cannot match the nutritional values of kamote because rice converts to sugar in the body, that makes one vulnerable to diabetes. Too much rice consumption can make you sick but kamote can bring you to health and keep away some health problems and these have been proven medically, kamote lowers hypertension, bad cholesterol and even blood sugar when eaten as substitute to rice”pahayag ni Garin na isang doctor.

Ani Garin sa ibang bansa gaya ng South Korea, Japan at Estados Unidos, tinuturing ang kamote bilang super food at kabilang ito sa kanilang pang araw araw na diet  habang sa Pilipinas na may malaking produksyon ng kamote ay isinasantabi lang ito.

Sinabi ni Garin na panahon na para tutukan at ipromote ng DA ang kamote bilang alternatibo sa kanin, aniya, 2011 pa nang simulang  isulong ng DA ang kamote bilang rice alternative subalit hindi ito nagtagumpay dahil na rin sa mahinang promosyon.

“Ngayon na may problema sa supply ng bigas at idinudugtong din ang mataas  na kunsumo ng kanin sa pagkakaroon ng Type 2 diabetes ng mga Pinoy sinabi ni Garin na panahon na para bantayan ang diet at kung maaari ay iwasan ang masyadong maraming kanin.

Minungkahi ni Garin na upang makamit ang kamote bilang rice alternative ay dapat tutukan una ng DA ang pagbalangkas ng mga programa para mapataas ang produksyon ng kamote habang ipinapanukala din nitong bigyan ng insentibo ang mga restaurants na gagamit ng kamote bilang pamalit sa kanin o sa French fries.

MGA POLISIYA SA INDUSTRIYA NG POGO, KINUWESTYON NG COMMITTEE ON LABOR AND EMPLOYMENT SA KAMARA

Nagsagawa ng motu proprio inquiry ang Komite ng Labor and Employment sa Kamara de Representantes, na pinamumunuan ni Rizal Rep. Juan Fidel Felipe Nograles ngayong Miyerkules upang talakayin ang mga polisiya sa labor at employment sa industriya ng Philippine Offshore Gaming Operators (POGOs) at mga nagsusulong nito. 

Ang hybrid na pagdinig ay tumalakay rin sa posibleng kahihinatnan ng pagpapahinto sa operasyon ng POGO sa bansa. 

Sinabi ni Department of Labor and Employment (DOLE) Local Employment Bureau Chief Rosalinda Pineda na batid ng ahensya ang mga iligal na operasyon ng POGO, subalit ang kanilang tungkulin ay inspeksyunin ang mga legal at lisensyadong operators ng POGO. 

Tinanong ni Parañaque City Rep. Gus Tambunting ang mga plano at programa ng DOLE hinggil sa pagsisiyasat sa mga Pilipinong manggagawa sa POGO, na posibleng mawalan ng trabaho sakaling ipatigil ang operasyon ng POGO sa bansa. 

Sinabi ni Pineda na ang DOLE ay may mga programang pagsasaayos at pakikialam na nakalatag, upang matulungan ang mga Pilipinong manggagawa sa POGO, kasama ang kanilang mga pamilya. 

Iniulat ni National Economic and Development Authority (NEDA) Assistant Secretary Sarah Lynne Ducanes na sa kanilang paunang pagtataya sa 2022, ipinakikita rito na ang mga kompanya ng POGO ay nakapagdala na ng humigit-kumulang ng P53.1-bilyon sa ekonomiya, o 0.31 porsyento ng Gross Domestic Product (GDP). 

Sa hanay ng paglikha ng trabaho, ang industriya ng POGO ay tinatayang makakalikha ng 20,000 karagdagang trabaho sa kasalukuyang 16,736 Pilipinong nagtatrabaho ngayon sa industriya mula Enero hanggang Hunyo 2022. 

Sinabi niya na ang karagdagang trabahong ito na nalikha ay karaniwan sa serbisyo ng pagkain at inumin, trabaho sa bukid at pangingisda, pagtitingi, kalakalan, serbisyong teknikal at administratibo, transportasyon at real-estate. 

Gayundin, sinabi ni Ducanes na kinokonsidera ng NEDA ang potensyal na halaga ng ekonomiya na mawawala, na nagmumula sa dalawang pinanggagalingan nito, ang turismo mula sa mga Intsik at ang pamamayagpag ng mga mapanlinlang na transaksyon. 

Para sa Department of Finance (DOF), sinabi ni Undersecretary Maria Magno na ang kabuuang halaga ng buwis na nakokolekta ng kagawaran at ng Philippine Amusement and Gaming Corporation (PAGCOR) mula sa POGO, ay nabawasan sa magkakasunod na taon dahil sa pormalisasyon ng sektor, at mga bagong polisiya sa buwis. 

Sinabi rin ni Magno na kapag itinigil ang POGO, mawawalan ng kita ng bansa ng P64.61-B sa direktang kontribusyon sa ekonomiya, o 0.3 porsyento sa GDP. Binigyan rin ng oportunidad ang mga Pilipinong manggagawa sa POGO, mga kawani, at mga service providers na magpahayag ng kanilang mga saloobin hinggil sa napipintong pagpapatigil sa industriya sa naturang pagdinig.

HIJAB DAY BILL, INAPRUBAHAN NA NG KOMITE

Inaprubahan ngayong Miyerkules ng Komite ng Muslim Affairs sa Kapulungan ng mga Kinatawan, na pinamumunuan ni Rep. Muhamad Khalid Dimaporo (1st District, Lanao del Norte), ang ulat ng Komite sa substitute bill na nagdedeklara sa unang araw ng Pebrero ng bawat taon bilang National Hijab Day, at pagsusulong ng unawaan sa mga tradisyong Muslim sa pagsusuot ng hijab. 

Ang mga pinalitang panukala ay iniakda nina Rep. Bai Dimple Mastura ng Maguindanao at Deputy Minority Leader Mujiv Hataman.

HB 2587 nina Rep. Zia Alonto Adiong (1st District, Lanao del Sur) at Rep. Yasser Alonto Balindong (2nd District, Lanao del Sure); at HB 3755 ni Hataman. 

PAGTATATAG NG MGA PAMPUBLIKONG SEMENTERYO PARA SA MGA PILIPINONG MUSLIM, TINALAKAY SA KOMITE

Tinalakay ng Committee on Muslim Affairs ang mga panukala na naglalayong itatag ang mga pampublikong sementeryo para sa mga Pilipinong Muslim sa mga lungsod at bayan, na may malalaking populasyon ng mga Muslim. 

Sa kanyang sponsorship speech, sinabi ni Lanao del Sur Rep. Zia Alonto Adiong na sa kasalukuyan, napakahirap para sa mga Muslim na ilibing ang kanilang mga pumanaw na kaanak, dahil sa kakulangan ng mga pampublikong sementeryo na tumutugon sa kanilang mga pangangailangan, alinsunod sa kanilang mga paniniwala at tradisyon. 

Sinabi niya na kadalasan ay kailangan pa nilang dalhin ang kanilang mga namatay sa kanilang bayan sa Mindanao, na ayon sa kanya ay mas magastos at mahirap para sa mga namatayan. 

Sinabi naman ni Lanao del Sur Rep. Yasser Alonto Balindong na sa mga tradisyon ng Islam, ang paglilibing ng mga pumanaw na kapanalig ay isang sama-samang obligasyon ng komunidad ng mga Muslim. 

Samantala, sinabi ni Deputy Minority Leader at Basilan Rep. Mujiv Hataman na ang kanyang panukala ay mula sa inspirasyon ng pagkakatatag ng pampublikong sementeryo sa Lungsod ng Maynila. 

Nagprisinta si Director Shey Sakaluran Mohammad ng Tanggapan ng Punong Lungsod ng Lungsod ng Maynila – Manila Muslim Affairs, sa kanilang sementeryo para sa mga Muslim. 

Binanggit niya ang Ordinance No. 8608 na noong panahon ni Mayor Francisco Isko Moreno Domagoso ay kanyang nilagdaan, ika-2 ng Marso 2020, at naglalaan ng pondo para sa pagtatatag ng sementeryo para sa mga pumanaw na Muslim, na naninirahan sa Lungsod ng Maynila. 

Hinggil sa tanong sa basehang legal sa pagtatatag ng pampublikong sementeryo para sa mga Muslim, na ayon sa isinasaad sa probisyon ng paghihiwalay ng simbahan at estado, sinabi ni Sakaluran Mohamad na polisiya ng estado at mga lokal na pamahalaan na pangalagaan ang mga kultura at tradisyon ng mga Pilipino sa pangkalahatan. 

Ilang mga ahensya tulad ng National Commission on Muslim Filipinos (NCMF), Department of Budget and Management (DBM), Department of the Interior and Local Government (DILG), Commission on Audit (COA), at ang Ministry of the Interior and Local Government (MILG) Bangsamoro Autonomous Region in Muslim Mindanao (BARMM), ay inimbitahan upang magbigay ng kanilang mga komento at posisyon sa nasabing panukala.

ANTI-POGO BILL, BINUHAY NI REP. ABANTE

Binuhay ni Manila Rep. Bienvenido Abante ang kanyang panukalang Anti-POGO Act sa gitna ng mga kontrobersiya laban sa Philippine Offshore Gaming Operators o POGOs.

Nitong 19th Congress, inihain ni Abante ang House Bill 5082 na nagsusulong na i-ban o ipagbawal at ideklarang ilegal ang mga POGO, na aniya’y “mockery” o panunuya sa anti-money laundering, immigration at tax laws sa ating bansa.

Ayon sa kanya, naging pugad din ang mga POGO ng mga krimen, ngunit higit sa lahat, ang operasyon nito ay nakakaapekto sa pagkawala ng trabaho ng masisipag na mga Pilipino dahil sa dumaraming dayuhang mangaggawa.

Idinagdag pa ng beteranong mambabatas na ang mga POGO ay bawal sa China, pero dito sa Pilipinas ay ginawa pang legal ang operasyon.

Banat tuloy ni Abante, dapat bang maging proud ang bansa kung tatawaging tanging Christian nation na “Gambling Nest in Asia.”

Kapag naging ganap na batas, ipagbabawal ang anumang offshore o pagtatayo ng POGO hub sa ating bansa.

Nakasaad pa rito na babawiin o tatanggihan na ang sinumang tao o grupo na nabigyan o bibigyan ng lisensya ng gobyerno sa pamamagitan ng PAGCOR bilang foreign-based operators, local gaming agents, POGOs, at service providers para sa offshore gaming operations sa Pilipinas.

Dagdag sa panukala ni Abante, ipapatupad ang ban o pagbabawal sa foreign employment at magpapataw ng parusa sa mga dawit sa human trafficking offense o sa sinumang kukuha o magrerecruit ng mga tauhan para sa offshore gaming operations.

Bubuo naman ng isang IATF-POGOs na tututok sa implementasyon sakaling maging ganap na batas at mag-iimbestiga sa mga lalabag.

Ang itinakdang parusa ay 4 hanggang 10 taong pagkakakulong, at multang P100,000 hanggang P10 million, depende sa gagawing “offense” o paglabag.

BOLUNTARYO NA LAMANG NA PASUSUOT NG FACE MASK, SUPORTADO SA KAMARA

Sinuportahan ni Quezon 3rd District Representative Reynan Arrogancia ang pagluluwag ng health protocols sa bansa kaugnay sa COVID 19, tulad ng pagpapatupad ng boluntaryo na lamang na pagsusuot ng face mask.

Naniniwala si Arrogancia na makatutulong ito sa lalong pagsigla ng turismo at mas masaya din na makita ang ngiti ninuman dahil hindi na natatakpan ng face mask.

Kung tutuusin, ayon sa kanya, atrasado na ang pagrelax ng safety protocols sa ating bansa dahil batay sa COVID bulletins ay limitado na ang pagkalat ng virus sa kabila ng paglitaw ng bagong variants nito.

Idinagdag pa niya na ang kailangan natin ngayon ay mapag-ibayo ang pagbabakuna laban sa COVID 19 lalo na ang pagbibigay ng booster shot.

Mungkahi ni Arrogancia, para mapadali ang proseso ng pagbabakuna ay mainam na  maglalagay din ng vaccination area sa mga barangay health centers, transport hubs, at malls at papayagan ang mga walk-in.

Naniniwala si Arrogancia na mas magiging ligtas at masigla ang pagdiriwang  ng darating na Pasko kapag mas dumami pa ang nakapagpa-booster shot.

PAGKAKAHIRANG KAY DATING PNP CHIEF CASCOLAN SA DOH, SUPORTADO NI DATING HEALTH SEC. GARIN

Suportado ni dating Health Secretary at ngayon ay Iloilo Rep Janette Garin ang pagtatalaga kay dating Philippine National Police PNP Chief General Camilo Cascolan bilang Undersecretary ng Department of Health.

Sinabi ni Garin na hindi lang mga doktor at scientist ang pwedeng maghatid ng serbisyong pangkalusugan lalo na sa grassroots level.

Ayon kay Garin, kailangan din ang non-medical managers para magpatupad ng kaayusan at mga programa sa DOH.

Naniniwala si Garin na ang management skills ni General Cascolan ay nasubukan na sa mahabang taon at wala ding bahid ang pagsiserbisyo nito sa publiko.

Kumbinsido si Garin na makakatulong si Cascolan sa mabilis na pagtugon sa mga kalamidad at sa organisadong pagpapatupad ng mga programa sa sektor ng kalusugan gayundin sa logistics at planning.

Bunsod nito ay ninirespeto ni Garin ang pasya ng ehekutibo kagunay kay Cascolan na tiyak aniyang pinag-aralang mabuti sa layuning makatugon agad ang gobyerno sa mga pangangailangan ng mamamayan.

LEGISLATIVE PROCESS - How A Bill Becomes A Law

LEGISLATIVE PROCESS - How A Bill Becomes A Law

1. PREPARATION OF THE BILL

The Member or the Bill Drafting Division of the Reference and Research Bureau prepares and drafts the bill upon the Member's request.

2. FIRST READING

1. The bill is filed with the Bills and Index Service and the same is numbered and reproduced.
2. Three days after its filing, the same is included in the Order of Business for First Reading.
3. On First Reading, the Secretary General reads the title and number of the bill. The Speaker refers the bill to the appropriate Committee/s.

3. COMMITTEE CONSIDERATION/ACTION

1. The Committee where the bill was referred to evaluates it to determine the necessity of conducting public hearings. 
   If the Committee finds it necessary to conduct public hearings, it schedules the time thereof, issues public notics and invites resource persons from the public and private sectors, the academe and experts on the proposed legislation. 
   If the Committee finds that no public hearing is not needed, it schedules the bill for Committee discussion/s.
2. Based on the result of the public hearings or Committee discussions, the Committee may introduce amendments, consolidate bills on the same subject matter, or propose a subsitute bill. It then prepares the corresponding committee report.
3. The Committee approves the Committee Report and formally transmits the same to the Plenary Affairs Bureau.

4. SECOND READING

1. The Committee Report is registered and numbered by the Bills and Index Service. It is included in the Order of Business and referred to the Committee on Rules.
2. The Committee on Rules schedules the bill for consideration on Second Reading.
3. On Second Reading, the Secretary General reads the number, title and text of the bill and the following takes place:
1. Period of Sponsorship and Debate
2. Period of Amendments
3. Voting which may be by:
1. viva voce
2. count by tellers
3. division of the House; or
4. nominal voting

5. THIRD READING

1. The amendments, if any, are engrossed and printed copies of the bill are reproduced for Third Reading.
2. The engrossed bill is included in the Calendar of Bills for Third Reading and copies of the same are distributed to all the Members three days before its Third Reading.
3. On Third Reading, the Secretary General reads only the number and title of the bill.
4. A roll call or nominal voting is called and a Member, if he desires, is given three minutes to explain his vote. No amendment on the bill is allowed at this stage.
1. The bill is approved by an affirmative vote of a majority of the Members present.
2. If the bill is disapproved, the same is transmitted to the Archives.

6. TRANSMITTAL OF THE APPROVED BILL TO THE SENATE

The approved bill is transmitted to the Senate for its concurrence.

7. SENATE ACTION ON APPROVED BILL OF THE HOUSE

The bill undergoes the same legislative process in the Senate.

8. CONFERENCE COMMITTEE

1. A Conference Committee is constituted and is composed of Members from each House of Congress to settle, reconcile or thresh out differences or disagreements on any provision of the bill.
2. The conferees are not limited to reconciling the differences in the bill but may introduce new provisions germane to the subject matter or may report out an entirely new bill on the subject.
3. The Conference Committee prepares a report to be signed by all the conferees and the Chairman.
4. The Conference Committee Report is submitted for consideration/approval of both Houses. No amendment is allowed.

9. TRANSMITTAL OF THE BILL TO THE PRESIDENT

Copies of the bill, signed by the Senate President and the Speaker of the House of Representatives and certified by both the Secretary of the Senate and the Secretary General of the House, are transmitted to the President.

10. PRESIDENTIAL ACTION ON THE BILL

1. If the bill is approved the President, the same is assigned an RA number and transmitted to the House where it originated.
2. If the bill is vetoed, the same, together with a message citing the reason for the veto, is transmitted to the House where the bill originated.

11. ACTION ON APPROVED BIL

The bill is reproduced and copies are sent to the Official Gasette Office for publication and distribution to the implementing agencies. It is then included in the annual compilation of Acts and Resolutions.

12. ACTION ON VETOED BILL

The message is included in the Order of Business. If the Congress decides to override the veto, the House and the Senate shall proceed separately to reconsider the bill or the vetoed items of the bill. If the bill or its vetoed items is passed by a vote of two-thirds of the Members of each House, such bill or items shall become a law.

NOTE: A joint resolution having the force and effect of a law goes through the same process.