PINK OCTOBER BREAST AWARENESS MONTH, IPINAGDIWANG NG KAPULUNGAN

Ipinagdiwang ngayong Huwebes ng House of Representatives Association of Women Legislators Foundation, Inc. (AWLFI), sa pangunguna ng kanilang Pangulo na si Bulacan Rep. Linabelle Ruth Villarica, Soroptimist International ng Ortigas and Environs, at ng Philippine Cancer Society, Inc. (PCS) ang Pink October Breast Cancer Awareness Month sa Kapulungan ng mga Kinatawan, kasabay ng pagdiriwang ng HREP Month. 

Itinampok nito ang “Awareness Talk on Breast and Cervix Health, as well as a Demo on Breast Self-Examination.” Nagtapos ang kaganapan sa isang libreng breast at cervical screening na ginawa sa isang mobile clinic. 

Sa kanyang pambungad na pananalita, pinuri ni Villarica ang kanyang mga kapwa Soroptimist sa pagbibigay ng libreng serbisyo sa mga mahihirap na kababaihan, sa iba't ibang komunidad sa loob ng 20 taon. 

Sinabi niya na ang Soroptimist ay mayroon na ngayong kagalingan ng kanilang partner na organisasyon, ang PCS, sa katauhan ni PCS Program Director Dr. Romeo Marcaida. 

Sinabi ni Villarica na ang Soroptomist International ng Ortigas at Environs, kasama ang Charter President nitong si Baby Doble, ay naiaangat ang cancer awareness at prevention funds sa pamamagitan ng kanilang flagship “Fun Run” Program. 

Sinabi niya na ang grupo ay nagbibigay ng libreng breast at cervical screening, kasama ang isang follow-up na ultrasound at cryotherapy treatment sa mga ang resulta ay nagpapahiwatig ng ilang mga natuklasan. 

Pinasalamatan din ni Villarica ang House Committee on Women and Gender Equality, GAD Focal Point, Medical and Dental Services, gayundin ang AWLI sa pangunguna ni President Tingog Party-list Rep. Yedda Marie Romualdez sa pagsuporta sa Breast Cancer Awareness Program. 

Pinasalamatan din niya sina Pampanga Rep. Anna York Bondoc, M.D., Nueva Ecija Rep. Rosanna “Ria” Vergara, at Bulacan Rep. Lorna Silverio sa pagdalo sa kaganapan. 

“Your presence indicates that our women in Congress are making good health choices,” aniya. Sinabi pa ni Villarica na noong ika-19 ng Setyembre 2022, nagbigay siya ng privilege speech tungkol sa kahalagahan ng pagdiriwang ng Pink October. 

Sinabi niya na si Albay Rep. Edcel Lagman, sa kanyang manipestasyon, ay nagpahayag na ang Komite ng Appropriations ay hindi inaprubahan ang kahilingan ng DOH para sa karagdagang pondo para sa pag-iwas at paglunas ng kanser. 

Kaya sa deliberasyon ng badyet, sinabi ni Villarica na naghain siya ng kahilingan kay Speaker Ferdinand Martin Romualdez at sa Komite ng Appropriations para sa karagdagang pondo, sa pamamagitan ng pag-endorso sa apela ng DOH para sa pagsasama ng P500 milyon, partikular para sa DOH Cancer Assistance Fund. 

“On behalf of the AWLFI, I am pleased to report that to date, this matter is now under consideration as one of the proposed amendments by the Committee on Appropriations for the DOH (budget). Together, let us see this through. The lives of more than 27,000 Filipinas with breast cancer may depend on it,” aniya. 

Samantala, nagpahayag ng pasasalamat ang mga beauty queens na sina Reina Hispanoamericana Filipinas 2022 Ingrid Santa Maria, at Miss World Philippines Tourism 2022 Justine Felizarta sa pagiging bahagi nila sa medical mission, para isulong ang breast cancer awareness at prevention. 

Sa kanyang bahagi, binigyang-diin ni Marcaida na ang maagang pagtuklas ay ang susi sa pagtaas ng kaligtasan ng buhay at antas ng pagpapagaling. 

“Sixty-four percent survive in the Philippines, that’s about six out of 10 diagnosed. Malungkot yan di ba. But in our program, early detection at yung may gamot sa government, ung access program, we can up it to 90 percent through early detection at may gamot,” ani Marcaida. 

Panghuli, tinalakay ni Bondoc ang kahalagahan ng breast at cervical screening.